ವ್ಯತ್ಯಾಸ

ಆಪರೇಶನ್ ಸಕ್ಸೆಸ್ ಆದ ಮೇಲೆ ಹೊಲಿಗೆ.
ಆಪರೇಶನ್ ಫೇಲ್ ಆದರೆ ಹಲಿಗೆ !!

idea

ಮರ ಉಳಿಸಲು idea ಮಾಡಿ ಮೊಬೈಲಿನಲ್ಲಿ ಕವಿತೆ ಬರೆದೆ
ಮೊಬೈಲ್ ಕಳೆದಾಗ ಕವಿಯಾಗ ಹೊರಟ ನಾನು ಕಪಿಯಾದೆ !!

ಮಂಥನ

ಸುರಾಸುರರು ನಡೆಸಿದರಂತೆ ಅಮೃತ ಕುಡಿಯಲು

ಸಮುದ್ರ ಮಂಥನ..

ನನಗೆ ಪ್ರತಿ ವಾರದ ಕೊನೆಗೆ ಬೇಕೇ ಬೇಕು ಅಮೃತ, ಕಾಯೋಕಾಗಲ್ಲ

MONTH ತನ !!

ಸಾಫ್ಟವೇರ್ ಇಂಜಿನೀರ್ - 30

ನಾನು ಸಾಫ್ಟವೇರ್ ಇಂಜಿನೀರ್ ವಯಸ್ಸು ಮೂವತ್ತು
ಸಂಜೆ ಹೆಂಡತಿಗೆ ಹೇಳತೆನಿ ಹಚ್ಚಿ ಬೆನ್ನಿಗೆ MOOV, ಒತ್ತು ..

ದ್ರಾಕ್ಷಿಯ ಬಯಾಗ್ರಫಿ

ಬಳ್ಳಿಯಿಂದ ಬೇರೆಯಾಗಿ ಯಾರದೋ ಸೆರೆಯಾದೆ..
ನೆಲದಲ್ಲಿ ಹೂತಿಟ್ಟಿದ್ದಕ್ಕೆ ಶೆರೆಯಾದೆ !!

ಬಾಟಲಿಯಿಂದ ಅಶಾಂತಿ

ಅರ್ಧ ಬಾಟಲಿ ಕುಡಿದರೆ ಬರುವದು ಸ್ಫೂರ್ತಿ!

ಪೂರ್ತಿ ಬಾಟಲಿಗೆ ಶುರುವಾಗುವದು ಭ್ರಾಂತಿ!!

ಮತ್ತೊಂದು ಬಾಟಲಿಗೆ ಆಗುವದು ವಾಂತಿ...!!!

ಚಪ್ಪಲಿ ಆಟ

ನಾನು ಮೊನ್ನೆ ಖರೀದಿಸಿದ್ದೆ ಹೊಸ ಚಪ್ಪಲಿ ಬಾಟಾ
ಮರುಳಾಗಿದ್ದೆ ನೋಡಿ ಅವುಗಳ ಮೈ ಮಾಟಾ
ನಿನ್ನೆ ದೇವಸ್ತಾನದಲ್ಲಿ ಅವು ನನಗೆ ಹೇಳಿದವು ಟಾಟಾ!!

ಗೌಡರ ಸ್ಕೂಟರ್

ನನ್ನ ಬಳಿ ಇದೆ ಒಂದು ಸ್ಕೂಟರ್
ಅದು ಬಗ್ಗಿಸಿ ಓಡಿಸಿದರೆ ಮಾತ್ರ ಮೋಟರ್
ಅದರಲ್ಲಿದೆ ಜಂಗು ತಿಂದ ಸ್ಟಾರ್ಟರ್
ಬಗ್ಗಿಸಿ ಓಡಿಸಿದರೆ ಅದು ನಿಜವಾಗಿಯೂ ಹೆಲಿಕಾಪ್ಟರ್